Nýtt útlit og ný stigaheiti

Hæ stelpur,

nú vantar mig smá hjálp! Eins og þið hafið kannski tekið eftir eru óþolandi myndir hér á síðunni merktar "upgrade to pro". Þær þvælast stundum fyrir manni svo mig langar virkilega til þess að losna við þær. Málið er að aðilinn sem á þemað sem við notum hýsir myndirnar sem fylgja þemanu á Photobucket og þarf að uppfæra í pro aðgang því það eru of margir að nota þemað. Nú er þetta búið að vera vandamál svolítið lengi þannig að ég held að það séu litlar líkur á því að eigandinn fari að laga þetta, þetta er gamalt þema og hann er líklega ekkert að hugsa um það.

En hér er vandamálið, við höfum haft sama þema síðan í apríl 2008, þegar síðan var opnuð! Svo ég verð að viðurkenna að ég er örlítið taugaveikluð fyrir breytingum. En breytingar þurfa ekki alltaf að vera slæmar svo mig langar til þess að hafa ykkur allar með í ákvörðunum um nýtt útlit. Til að byrja með langar mig til þess að biðja ykkur um að kjósa á milli dökkt vs. ljóst.

Ég ætla að sjá hvernig niðurstöðurnar verða og fer þá að skoða þemun betur og við munum líklega prófa 2-3 og svo fáið þið að velja á milli.

Annað, það er kominn tími til þess að uppfæra stigaheitin hér á spjallinu. Á sínum tíma henti ég einfaldlega einhverju inn og hef svo ekkert hugsað um þetta síðan. Eins og er þá lítur þetta svona út:

Sykurkleina 1 innlegg
Closet Case 10 innlegg
Out 'n Proud 50 innlegg
Klámfíkill 100 innlegg
Leður-Lessa 120 innlegg
Butch 140 innlegg
Femme 180 innlegg
Dyke On A Bike 200 innlegg
Muffmuncher 250 innlegg
Dragkóngur 300 innlegg
Lipstick Lesbian 450 innlegg

Ef þið hafið einhverjar hugmyndir eða skoðanir á nýjum heitum þá megið þið endilega koma með uppástungur! Þið getið sent mér skilaboð hér eða tölvupóst á lezjungle@gmail.com

Yfir & út,
heybe