Sælar allar frumskógarstelpur

Það er frábært hvað umræðan hérna hefur lifnað við undanfarið og einstaklega gleðilegt að fjöldi viðburða er kominn á dagskrá, þökk sé nýjum skemmtanastjóra og skemmtanaráðgjafa .

Eins og þið vitið, þá er spjallið hérna á Lez Jungle fyrir allar stelpur/konur. Þess vegna er mikilvægt að halda einkahúmor annars staðar. Annars lítur út fyrir að spjallið sé ein klíka af vinkonum, sem er fráhrindandi fyrir utanaðkomandi.

Það hefur einnig borið á því undanfarið að stigakerfið sé notað í persónulegar árásir. Það er mun skemmtilegra þegar stigin eru notuð á uppbyggjandi hátt, þannig geta þau stuðlað að málefnalegri umræðu. Ætlunin er að stigin séu gefin umræðunni, ekki einstaklingum. Ef notendur hafa ekki þroska til að halda persónulegum ágreiningi utan stigakerfisins, þá verður það að lokum fjarlægt.

Við viljum allar að Lez Jungle sé lifandi og málefnaleg síða. Við viljum að samfélagið vaxi og dafni. Það er gaman þegar nýr notandi bætist í hópinn. Það er ennþá skemmtilegra þegar nýr notandi þorir að taka þátt í umræðunni. Hjálpumst að og notum einkapósta eða msn fyrir einkasamtöl .

xoxo

MissCurious & heybe